Cheri Fò'm Ale

Sonje sa mwen te di'w
Lè nou te fèk rankontre
Sonje sa mwen te di'w
Premie jou'n te pale
Si'w konnen separe
Ansan'm nou ka rete
Si'w pa kon'n separe
Nou pa men'm dwe pwoche

Chouchou ou te mèt kwè'm
M'renmen Jan'w karese'm
Chouchou ou te mèt kwè'm
M'damou jan'w dòlote'm
Doudou se pa fòt mwen
Mwen kwè'w kon'n tout bagay
Doudou se pa tò mwen
Si'm dwe ale lakay

M'pap di'w ke'n pa samble
Ni ke youn pa fou pou lòt
M'pap jan'm di'w se egare
Ni m'pa pran'w pou moun sòt
Ou te di'm ke'w te konpran'n
Lè'm te di'w ke mwen marie
Pa vin'n rale'm sou flan'n
Padone'm fòk mwen ale

Cheri fò'm ale
Mwen gen madan'm ak pitit
Cheri fò'm ale
Mwen pap ka re't tout nan nwit
Cheri fò'm ale
An nou sere pou demen
Cheri fò'm ale
On kon'n byen ke map tounen

                                                                                                                        Evings Pierre

           
Please forward all correspondence regarding this page to epierre@uhhp.com
Copyright © 1996-2002, All Rights Reserved.
Page designed by: Evings Pierre