Tounen Lakay

Jounen pase, jounen ale,
Toujou youn men'm mizèrere.
La ma'n di syèl fè chimen lwen,
Lavi pran bay tout moun bouden.
Youn solèy lanfè nan syèl la
Souse tout kanal nan bouk La.
Tout pie bwa pran toufe, tombe,
Youn lòt tizanj vant vid pran rele.
Tout gason kanson al Pòtoprens,
Lamizè lafanmi pa mens.
Zèb guinen anvayi tout jaden,
Zo dan tout mòn ret tou griyen.
Pòtoprens tounen youn konbit,
Peyizan degrennen pa mamit.
Yo vide sou kon'n foumi fou,
Vi'n rekòlte pousiè ak labou.

Lavi lavil pa lavi'w tande,
San latè ou pap jan'm rive.
Youn ti konsè'y map ba'w souple,
Pran ti chèz ba'w pou vi'n koute.
Tanpri tounen,
Tounen lakay ou tande.
Tanpri tounen,
Kwabosal pa samble'w tande.
Chak sitwayen gen youn wòl a jwe,
Wòl pa'w se plante manje.
Tanpri tounen,
Tounen nan jaden'w tande.
Tanpri tounen,
Tounen nan moulen'w tande.
Ou se ponyèt peyi d'ayiti,
Sèl solisyon pou grangou fini.
Tanpri tounen,
Tounen vie frè.
Tanpri tounen,
Tounen bèl sè...

                                                                                                                        Evings Pierre

               
Please forward all correspondence regarding this page to epierre@uhhp.com
Copyright © 1996-2002, All Rights Reserved.
Page designed by: Evings Pierre